МАМЛЕКЕТТИК ТИЛ КҮНҮНӨ 35-ЖЫЛ
Свердлов районуна караштуу №53 ЖОББМде мамлекеттик тил күнүнө карата салтанаттуу тизим өткөрүлдү.
1989-жылдын 23-сентябрында кыргыз адабий тилине “Мамлекеттик тил” деген бийик макам берген атайын мыйзам кабыл алынган. Бүгүн мамлекеттик тилдин 35 жылдыгына карата №53 жалпы орто билим берүүчү мектептин мугалимдер жамааты жана окуучулар салтанаттуу тизимге катышышты. Алгачкы сөздү мектептин директору Дуйшекеева Айнура Нарынбаевна сүйлөдү. Ал кыргыз тилинин атайын макамга ээ болуусу жана бүгүнкү күндөгү абалы, мектепте аны өнүктүрүү маселелери жөнүндө баяндады.
Ошондой эле “Кыргыз Республикасынын Мамлекеттик тии жөнүндө” Кыргыз Республикасынын мыйзамынын кабыл алынгандыгынын 35 жылдыгына карата мамлекеттик тилдин үч айлыгы боюнча
29-августтан 23-сентябрга чейинки иш-чаралардын планы бекитилди.
4-класстын окуучулары Манас айтып беришти.Салтанаттуу тизимде көркөм окушуп,“Курманбек” дастанын аткарышты. Кыргыз бийин бийлешип ,комузчулар күү чертип беришти. 3а,5а ,6в,8б, 9а, 11а-класстын окуучулары класстык саат өтүштү.“Эне тилим – кымбатым”,”Кыргыз тили кылымдарды карыткан өчүрө албайт , эч ким аны тарыхтан” деген темада класстык сааттар өтүлдү.
«Тил жоголбойт, жоголсо жоголот дил» демекчи тээ ата-бабаларыбыздан калган рухий дөөлөттөрүбүздүн туткасы болгон тилди жоготуп албас үчүн өз эне тилибизде таза сүйлөйлү, өз эне тилибизди сүйөлү.
Комментарии